Біз туралы

«Жаңажол Мұнай Сервис» ЖШС - тау-кен өндіру кешенінің субъектілеріне қызмет көрсету үшін Ақтөбе қаласында жасалған, геофизикалық барлау және геодинамикалық мониторинг саласындағы мамандар командасы. Кәсіпорын орындалатын жұмыстардың күрделілігі мен нысанның масштабына тәуелділіктен тыс кез-келген қойылған міндеттерді шешуге жоғары кәсіби жауапты тәсілді қолданады.

Кәсіпорынның мақсатттары мен міндеттері

Біздің жұмысымыздың негізгі мақсаты болып жер қойнауларын қорғау, игеру, барлау саласында үлгілі-сапалы қызметтерді ұсыну табылады:

• геофизикалық барлау – гравиметриялық барлау, магнитті барлау;
• табиғат теңгеріміндегі барлық мәнді өзгерістерді, техногендік әсерлерді, жер қойнауының таусылуын ескеріп және бағалап, жер қойнауының геодинамикалық күйін бақылау;
• ғылыми-практикалық зерттеулер – жерді ғарыштан қашықтықтан зондтау, зерттелген нысандар мен аумақтарды картографиялаумен микросейсмикалық мониторинг;
• сандық геологиялық модельдеу – пайдалы қазбалар мен жерасты суларын геологиялық зерттеу және ұтымды пайдалану жөніндегі мамандандырылған бағдарламалық қамтамасыз етулермен жұмыс;
• топографиялық-геодезиялық бағыттардағы жұмыстар.

Кәсіпорынның қызметі жер қойнауының күйін де, оларды қолдану бойынша жұмыстарды (оның ішінде мемлекеттік экологиялық бақылау жүйесінің шеңберінде) да үздіксіз бақылауды ұйымдастыруға мүмкіндік береді, тиімді басқару шешімдерін қабылдау үшін негіз болып табылады, кендерде болатын табиғи процестермен және техногенді әсермен байланысты төтенше жағдайлардың залалдарын болдырмауға және/немесе төмендетуге мүмкіндік береді.

Компанияның бәсекелестік басымдықтары

«Жаңажол Мұнай Сервис» - бұл:

• геологиялық зерттеулер, геологиялық барлау қызметі, инженерлік-геологиялық және экологиялық-геологиялық іздеулер, кешенді геодинамикалық мониторинг саласындағы үздік кадрлар, бейінді жоғары және арнайы техникалық білімі және үлкен тәжірибесі бар мамандар;
• қазіргі заманғы жабдықтау, ең жаңа компьютер аппаратурасы, озық іздеу технологиялары, картаға түсіруге арналған инновациялық бағдарламалық өнімдер, зерттеу нәтижелерін рәсімдеу және жүйелеу;
• жұмыс орындауға барлық қажетті сертификаттар мен лицензиялардың болуы;
• жоғары халықаралық стандарттарға сай келетін менеджмент жүйелері (ISO).

Компания Қазақстанның Қашаған, Жаңажол, Кеңқияқ, Қаламқас, Қаражанбас, Өзен, Қарамандыбас, Ақшабұлақ, Солтүстік Трува, Кемпірсай, Шідерті және басқа да көптеген маңызды кен орындары мен лицензиялық учаскелерінде жауапты жұмыстарды табысты орындап келеді. Біздің қызметтерімізді «СНПС-Ақтөбемұнайгаз» АҚ, Норт Каспиан Оперейтинг Компани Н.В., «Маңғыстаумұнайгаз» АҚ, «Қаражанбасмұнай» АҚ, «Восход-Ориел» ЖШС, «Өзенмұнайгаз» АҚ және саланың басқа да кәсіпорындары қолданады.

«Жаңажол Мұнай Сервис» ЖШС мұнай-газ кен орындары мен қатты пайдалы қазбаларды барлау және игеру кезінде кәсіпқой мамандарға қолдау көрсету талап етілетін кез келген күрделілік деңгейіндегі міндеттерді шешеді.

Бізбен байланыс:
	+7 (713) 294-75-39 | +7 (713) 251-46-80
	info@zmservice.kz